May 19, 2010
Post By: സിനു
നിന്നേയും കാത്ത്..
കാല ചക്രത്തിന്‍ കറക്കത്താല്‍
മാറി മറയുന്നു വേനലും വര്‍ഷവും.
ഏകാന്ത പഥികയായി ഞാനെന്നുമീ
ജീവിത യാത്രയില്‍..!
മോഹങ്ങള്‍ ചിതലരിക്കും മുമ്പേ..
നീയെത്തുമോ എന്നരികിലായ്.
ഓര്‍മ്മകള്‍ ആര്‍ദ്രമാക്കുന്നീ മിഴികളെ..
സ്നേഹ ലാളനം നിനക്കായ്-
ഒരുക്കി വെച്ചു ഞാന്‍..!
തുടിക്കുമെന്‍ നെഞ്ചകം നിന്‍ വരവിനായ്
താരാട്ട് പാടി മാറില്‍ ചേര്‍ത്തുറക്കാനായ്
മുടിയിഴകളില്‍ തഴുകി തലോടാനായ്
കാത്തിരിപ്പൂ നിനക്കായ് ഞാന്‍.!
നീ വരുമെന്ന പ്രതീക്ഷയുമായ്..
എന്നില്‍ ജീവവായു നിറച്ചീടുവാന്‍
എന്‍ വേദനകള്‍ ആരോടും ഉര ചെയ്യാതെ..
ഹൃദയത്തില്‍ ഒതുക്കി ഞാന്‍
എന്നും ഒരു തേങ്ങലായി..!!
